बन्द ?
आज फेरि बन्द ?
तिम्रो बन्दले
हाम्रो चेत खुलेको
छ
एकछाक कमाइ खानेको
रोटी खोस्न उद्धत
तिमीजस्ता परपीडक, परजीबी
रक्त पिपाशुहरुको डरले
आज सडक थर्कमान
भएपनि
कुनै दिन फलामे बुट
लगाएर
हिंड्न आतुर
हाम्रा उत्सुक पाइलाहरुमा
चाबी त ठोक्न नसकौला नि ?
त्यसबखत
क्रान्तिका गुड्डीलाई
लुते कुकुरको पुच्छर झैं लुकाएर
पछिल्तिरको दैलोबाट सुटुक्क
तिमी भागेको हेर्नलाई
हामी कहीं जानुपर्ने छैन |
No comments:
Post a Comment