Thursday, July 12, 2012

झरी-बिशेष थुंगाहरु


दिनभरी उभिईरहने पहाडलाई


किन चाहिएको होला


कुहिरोको पेटी ?






छाता छैन भने


किनिहाल


यो पोखरा हो






सडक हुँदै


खोला हिंडेको


नदेख्ने को छ ?






जलमग्न सडक


सोचमग्न म,


तिमी पनि यहीं छौ ?






आकाशको प्रदर्शन


सडकमा भल


कौशिमा मानिस






झरी रोकिंदा समेत


बलेंसिको गीत


एकतमास बजिरहेछ






सडकभरी गेगर थुपारेर


कहाँ पुगेको होला


भलको पानी ?




अफिस छुट्दा पनि


पानी नपरेको


आज अचम्मै भो !






आज रुझिएन


माथि के मिलेनछ


क्यै बुझिएन

javascript:void(0)