Monday, April 13, 2015

फूल र पुतली

एकदिन सानु छोरालाई सोधें _
थाहा छ,
पुतली कसरी बन्छ, छोरा ?

उसले निर्धक्क भन्यो –
बाबा, त्यो फूलबाट निस्केको हुनुपर्छ  
फूलका पत्ता जस्तै छन् उसका प्वाँख
फूलका धब्बा जस्तै छन् उसका आँखा
फूलका नली जस्तै छन् उसका हातपाउ
संगत पनि उस्को, फूलसंगै छ




भैगो,
लार्भा र प्युपा उस्कै गुरुहरुले सिकाउन्
अब मैलाई लाग्न थाल्यो -
कतै झर्दाझर्दै
फूलको मन  
पुतली बनेर उडिसकेको त हुँदैन ? 
javascript:void(0)