शहर / लहड

आज बेग्लै शहरको रहरमा

उड्दै छु म यो शहरमा

एक नयाँ लहड लहडमा

एक नयाँ चहक महकमा

यहाँ फूल फुलेका म देखुँ

यहाँ दिल मिलेका म देखुँ

सयौं स्वप्नका सितारा

झिलमिल बलेका म देखुँ

सारा शिर उठेका म पाउँ

कर्म-बीर जुटेका म पाउँ  

हर ओठ  रसिला, रबाफी

हर्ष-तीर छुटेका म पाउँ   

यो शहर छ दिब्य, मनोहर

यो बनोस् धराकै धरोहर

आज यस्कै नशालु झलकमा

बेखबर पथिक छ पलकमा !

आज एक नयाँ बचेरा

नाघेर बादल्- घेरा

उड्दै छ माथि सगरमा

भिन्दै शहरको रहरमा !