Monday, May 9, 2016

आँखाको सुन्दरता

भगवान मेरा आँखाहरुको पिछा नगर
ती अतीव सुन्दर छन् र
ती भित्र झन् तीब्र सुन्दरताको स्वप्न टांगिएको छ

म चौबाटोमा उभिएको छु यतिबेला र
चारैतिर फैलिईरहेछु खाली आँखै-आँखा भएर
आफ्नै अनुहारमा एक सुन्दर फूल फुलाएर    
हरेकका मुहारमा म फूल देखिरहेछु
आफ्नै शरीरलाई एक सुन्दर कला झैं उठाएर   
हरेक आकृतिमा म बेजोड कला भेटिरहेछु
छायाँमा पनि रंग मस्किएको देखिरहेछु    
किन हो  
अंध्यारोमा प्रकाशले ठेलिरहेको देख्छु  
   
भगवान् मेरा आँखाहरुको इर्ष्या नगर
ती अतीव सुन्दर छन् र
झनै सुन्दर छ ती भित्रको ज्योति |

No comments:

Post a Comment

javascript:void(0)