शरद छायो
सयपत्री गोदावरी पाख्पाखैमा
सयपत्री गोदावरी आँख्आँखैमा
सुनौला धर्ती, सफा आकाश
चिसो बतास, मीठो सुबास
मखमली मालती बाट्बाटैमा
पुतली माहुरी पात्पातैमा
दशैं आयो
शंख घन्टी, पूजा आराधना
धूपबत्ती प्रसाद, मन्दिर परिक्रमा
अक्षतापाती ढोक्ढोकैमा
बिराना साथी चोक्चोकैमा
पीङको रौनक, हाटको रौनक
पोतिएर सजिएका घरको रौनक
हतारो चटारो टोल्टोलैमा
च्यांग्राका हूल मोल्तोलैमा
देश ?
द्वन्दको दशक, हिंसा, संत्राश
मुर्झाएको मुलुक व्युँतने अत्याश
शान्तिको आकांक्षा श्वास्श्वासैमा
उज्यालो भविष्यको आश्आशैमा
सयपत्री गोदावरी पाख्पाखैमा
सयपत्री गोदावरी आँख्आँखैमा
चढाएँ हजुरलाई हात्हातैमा
शुभकामनाको साथ्साथैमा
राम्रो छ! मलाई कविताको दशैं अझ मन प-यो।
ReplyDeleteधन्यवाद बसंतजी!
ReplyDelete'दशैंको कविता' मैले पोहोर साल लेखेको हुँ र 'कविताको दशैं' यसपल्ट| तपाइंलाई जस्तै मलाई पनि 'कविताको दशैं'अलि बढ्ता मन परेको छ|
दशैको कबिता राम्रो झन कबिताकाको दशै त कति कति राम्रो।
ReplyDeleteतपाईले लेख्नु हुन्छ थहा थियो तर यती सुन्दर र यथार्थपरक कबिताहरुको प्रस्फुटन हुन्छ भन्ने कुराको मलाई कमै हेक्का थियो। तपाईको पहिलो कबिता बसन्तजीको ब्लगमा पढ्ने मौका मिलेको थियो।
तपाईले गर्नु भएको यो सुरुवातको लागी धन्यवाद र निरन्तरताक कामना पनि।
really very nice.......malai ta duai bhaut ramro lagyo....compare garna nai sakina......
ReplyDeleteIndeed awesome poem! I loved your way of extending Dashain wishes.
ReplyDeleteअक्षतापाती ढोक्ढोकैमा
बिराना साथी चोक्चोकैमा
These lines are nice but they made me feel even lonelier! I will miss them once again.
This comment has been removed by the author.
ReplyDeleteरमाइलो दशै । कवितामा बगेर मनाइयो ।
ReplyDeleteचैतन्य जी तपाईंको नयाँ सुरुवात संगै म पनि समाहित हुन आए घामपानीमा रंगिएका कहाँनी खोज्दै । उच्च सफलताको शुभकामना,निरन्तरताको कामना ।
कविताको दशैं साँच्चैको दशैं झैं राम्रो लाग्यो |
ReplyDeletehappy dahain and happy blogging ....
तपाईका केही शब्दका ताना बानामा पुरै दशैं र देश नै आटाएको पाएँ । मन छुने भावहरु एकदमै पन परे।
ReplyDeleteविजया दशमीको हार्दिक मंगलमय शुभकामना !!!
दुर्जेय चेतनाजी, सुदिनाजी, सुर्य शिकारुजी , मिलनजी, दिलिप आचार्यजी !
ReplyDeleteयहाँहरु सबैजनालाई ब्लगमा स्वागत र मैले पाएका शुभकामना, सुझाब र सल्लाहको लागि धन्यवाद ब्यक्त गर्दछु |पहिलोपल्ट यतिधेरै प्रतिक्रियाहरु कमाएको छु|खुशी छु|
("+ बसंतजी, दीपेन्द्रजी)
मेरोतर्फबाट पनि यहाँहरु सबैलाई र यो ब्लग हेर्ने सबैजनालाई बिजया दशमीको हार्दिक मंगलमय शुभकामना अर्पण गर्दछु|
कविता राम्रो छ |हरेक अनुच्च्छेदका अन्तिम दुई हरफहरू मज्जाका लागे | मेरो पनि दशैंको शुभकामना !
ReplyDeleteमणीजीलाई पनि यो ब्लगमा स्वागत गर्दछु| प्रशंसाका लागि धन्यवाद है !
ReplyDeletehappy dashain dai, beautiful poem.
ReplyDelete