आमा र मामा

आमा र मामाको सम्बन्ध
नेपाल र हिमालको जस्तै रहेछ
आमा नेपाल भए
मामा हिमाल हुनुहुँदोरहेछ

















(तस्बीर: मामा)


आमा हँसिली भए
मामा उज्यालो हुनुहुँदोरहेछ
आमा निन्याउरी भए
मामा अँध्यारो हुनुहुँदोरहेछ

आमा शान्त, सन्तुष्ट भए
मामा अग्लिनु हुँदोरहेछ
आमा तप्त, रुष्ट भए
मामा पग्लिनु हुँदोरहेछ

आमालाई सुखी, खुसी देखे
मामाको धाक बढ्दो रहेछ
आमालाई दुखी देखे
मामाको शाख गिर्दो रहेछ

आमालाई सम्झंदा
मामालाई बिर्सन मिल्दो रहेनछ
मामालाई सम्झंदा
आमालाई बिर्सन मिल्दो रहेनछ