Wednesday, August 4, 2021

पहेंलो फूल र म

पूर्व जुनीमा

म पनि शायद

एउटा पहेंलो फूलको थुंगा थिएं

भंवराले मेरो रस पिएथ्यो

चरा म नजिकै आएर गीत गाएथ्यो

हावाले मलाई पींग मच्चाएथ्यो

झरीले नुहाईदिएको थियो

र घामले सुकाएथ्यो मेरो चिसो जीउ

मेरो रोम रोम पुलकित भएर

म धप्प बलेको थिएं

त्यो दिनसम्म

जुन दिन कुनै श्रद्धालु यौवनाले

एकाविहानै मलाई टपक्क टिपेर

ढक्कीमा राखेर चढाईदिइन्

सन्तानेश्वर महादेवको मन्दिरमा

त्यसपछि

म उस्तै रहिन ।


No comments:

Post a Comment

javascript:void(0)