कोही थिए होलान्
वल्लो झ्यालबाट पल्लो झ्यालमा बसेकोलाई हेर्ने
कोही थिए होलान्
पालीमा निस्केर अर्को कोठातिर भाग्ने
कोही थिए होलान्
आँगन बाँडेर बिस्कुन सुकाउने
र कोही थिए होलान्
घरै घुमेर लुकामारी खेल्ने
कोही त थिए होलान्
अबश्य
केही केही त
होलान् सम्झनाहरू
केही कथाहरू होलान्
इतिहासै भनेर त्यस्तो केही नभएपनि
यो मौनतालाई चिर्ने
केही गाथाहरू होलान् ।
अँ त नि,
एकदमै मिले झैं देखिने चिजलाई
बिस्तारै नमिलाउँदै लगेर
ढाल्ने बस्तुको नामै हो शायद -
समय ।
No comments:
Post a Comment