उभिने धराले

 उभिने

धराले पनि हो

जराले पनि हो

आँफुसंग

ठोक्किन आउने बतासमा

संगीत भरिदिनु

आँफुसंग

जोतिन आउने भलबाढीलाई

बाटो चिनाईदिनु

थकित यात्रीलाई

शरण दिनु

र उसका केही भाका सुन्नु

घामलाई सहनु

उस्ले चरक्क पोलेपनि

आँफु शीतल नै रहनु

उन्मादमा नआउनु

भाँचिदा पनि हजारपल्ट

नयाँ पालुवा पलाउनु

धराको भर नभएमा

जरा अझै फैलाउनु

आँत बलियो राख्नु

देखेको छु

जीवन उसैले लामो बांचेको छ

जो यसलाई छोटो सम्झिन्छ ।