मुट्ठीको चरा उड्यो
र पनि
मभित्रको चरा अझै कैद छ
दुश्मन आकाशले मलाई भन्यो-
चरालाई उड्न दिनु हुन्थेन
जाली चराले समेत भन्यो-
तिमीले छोपिराख्न नसकेकै हुनाले
म उडेको हुँ
हे दैव, दोष मेरै भयो !
मलाई अझै लाग्छ
साँगुरिने चीज, त्यो प्रेम हुनैसक्तैन
उसका प्वांख अंचेटेर
कतिन्जेल म मुट्ठी कसिरहन सक्थें ?
उड्यो त उड्यो
मुट्ठिको चरा उड्यो
र पनि
मभित्रको चरा अझै कैद छ
उड्छ भने
त्यसलाई समेत भुर्र उड्न दिने मन छ ।
No comments:
Post a Comment