चोरले
‘म चोर होइन’ भनिरहेको छ
र ऊ सही छ
फटाहाले
‘ म फटाहा होइन’ भनिरहेको छ
र ऊ सही छ
घूसखोर, तस्कर, भ्रष्टाचारी……
जो जो आफ्नो कसुर नकार्दै छन्
उनीहरु सबै सही छन्
हाम्रा प्रश्नहरू पनि गलत होइनन्
समय र सन्दर्भ फरक हुन्
ऐना र अनुहारको झैं
परिभाषाहरू दायां वायां परेका हुन्
हामी टिकट काटेर
मीठा मीठा सपनाको प्लेटफर्ममा कुरिरहंदा
उनीहरू सित्तैंमा बिपनाको बजार भरिरहेछन् ।
No comments:
Post a Comment