Wednesday, August 4, 2021

गहिरा अक्षरहरु

 वैली जाने फूल

डुबी जाने घाम

छिनमै भागिहाल्ने पुतली

र हराइजाने इन्द्रेणी

यी त हुँदै भए,


पग्लिहाल्ने मन

रसाइहाल्ने आँखा

बसिजाने वाक्य

र उडिजाने अनुहारको रंग

यस्ता नाजुक चिजहरू

नहेरूँ भन्छु, नछोऊँ भन्छु

दुनिया त्यसै गर्न सुर्याउँछ


तर फेरि तिनैले

किन कोर्छन् मेरो हृदयमा

यति गहिरा अक्षरहरू ?

No comments:

Post a Comment

javascript:void(0)