प्रधानमंत्रीलाई मात्रै
सबैकुराको दोष थोपर्नु उचित छैन
उनी चौध बर्ष जेल बसेका हुन्
र सौभाग्यले,
उनका तेह्र भाई पनि छैनन्
उनलाई माथि पुर्याउने हामी नै हौं
र अहिले तल झर्न गाह्रो परेको छ
कुरा त्यत्ति हो,
अत्यन्तै स्वाभाविक !
उनी बहुरुपी, बहुमुखी र चतुर छन्
अघि त्यहां पुगेका अधिकांश मानिसहरूको
र वर्तमान विश्वका धेरै नेताहरुको
अनुहार र गुण
मिश्रित छ उनमा
जस्तो कि
बिजुलीका पोल पोलमा नयाँ युगको प्रादुर्भाव हुंदा
मैले हाम्रै छिमेकका प्रधानमंत्री भेटेको हुँ उनमा
संसद भत्काउँदाको त कुरै नगरौँ ....
आदि आदिको अनंत कुरा गर्न
अहिले फुर्सद र जाँगर दुबै छैन
उनलाई झारेर
अहिल्यै शिंहासन चढ्न आतुर रामहरूलाई
ठोरीमा धाम बनाईदिंदैछन्
विलकुल सुबिधासम्पन्न (बयलगाडीसहित)!
नयाँ ब्यबस्थामा
सबै एकै ठाउंमा कोच्चिएर नबस्नु भनेकै छ।
प्रधानमंत्रीले सबैको ख्याल राख्छन्
र उनी साह्रै जबाफदेही छन्
कुर्चीमै घुसेको चुच्चेनक्साको खिल
उनले कसरी पन्छाए, बिचार गरौं न !
त्यसैले, प्रधानमंत्रीलाई मात्रै
सबैले शंका गर्नु उचित छैन
उनी चौध...............
.........................।
No comments:
Post a Comment