परबाट
ऊ आइरहेको देखें
मलाई धेरै नै कुरा भन्नु थियो उसंग
शब्दहरूलाई मनको तख्तामा खोज्दा नखोज्दै
ऊ गइहाल्यो
मुसुक्क हांसेर
कचक्क एउटा तस्वीर खिचेर
सोध्यो ‘सन्चै छौ ?’
मैले ‘अं’ त भनें
तर म व्यस्त थिएं
उसलाई भन्ने कुरा सोच्नैमा
अब ऊ गइहाल्यो
उसलाई भन्नुपर्ने कुरा
केही तयार भएका छन्
केही अझै बांकी छन्
कहिले र कसरी भनुंला ?
म अन्यौलमै छु
म यहीं छु
र मेरो दिमाग घुमिरहेछ
ऊ भने स्वयं घुमिरहेछ
फगत यौटा तस्वीर बोकेर मेरो ।
No comments:
Post a Comment