पहिलोपल्ट
कपालमा एउटा सेतो रौं भेटेपछि
मन गह्रौं भएको थियो
‘जन्मिंदै
सेतो कपाल लिएर आउनेहरू पनि छन् यहाँ ‘
मैले आंफूलाई यसरी सम्झाएथें
अहिले
पुरै कपाल सेतो हुंदापनि
म खासै केही सोच्दिन
तन्नेरीहरू भने
म उहिलेदेखिकै यस्तै थिएं
भन्ठान्दा रहेछन्
ठीकै पनि हो
मेरो कालो कपालको तारिफ गर्नेहरू
अब शायद भेटिंदैनन्
जीवनका
केही कथाहरू बन्न थालेपछि
रौंहरू सेता हुंदै जाने रहेछन् ।
No comments:
Post a Comment